Debuxando coelliños

Bos días nenos! Hoxe parece que quere saír o sol no xardín e na terraza, aínda que fai un pouco de frío pola mañá, esperemos que non se estrague pola tarde. Que tal os traballos de onte? Coloreastes moitos coelliños? Lembrar que cuantos máis fagades, máis divertido quedaravos o mural de primavera. Ademais, tamén, podedes seguir completándoo facendo máis flores coas figuras xeométricas ou flores que vós vos inventedes. A imaxinación é libre. Unha das fichas que faremos hoxe será como podemos debuxar un coelliño paso a paso. Póñovos dúas fichas de exemplo, elixir o coelliño que máis vos guste e o que se anime a facer as dúas, pois adiante traballadores! É fácil e veredes que contentos ides quedar co resultado final. Fixarvos ben o proceso e procurar facer exactamente o mesmo.

Tamén faremos unhas fichas moi fáciles con diferente grao de dificultade segundo as idades, pero repito, o traballador que se anime pode facelas todas.

Lis, Selene, Blanca y Elia esta é a vosa:

Borja, Jimena y Jaime estas dúas son para vós:

E Darío, aquí vai a túa:

Tamén vos poño un vídeo para que vexades como traballan os coelliños facendo os ovos de pascua. Espero que pasedes un bo intre véndoo!

https://www.youtube.com/watch?v=VWKJJp4DSCo

E agora a sorpresa final! Mirar o que nos mandaron para subir ao blogue as mamás de Darío e Borja coas obras de arte que fixeron as semana pasada. Verdade que quedaron moi ben? 

Ademais Borja mándavos moitos bicos no vídeo:

Xa está aquí a pascua, a pesar do coronavirus

Ola nenos! Empezamos nova semana e seguimos en casa. Este coronavirus é moi pesado e estanos dando a lata dabondo. Lembrar as normas que temos que cumprir, é moi importante e, especialmente, non saír de casa.
Se estivésemos no cole, esta semana xa sabedes que a iamos a dedicar á pascua. Coloreábamos coelliños, decorabamos oviños e, se facía bo, un día no patio a profe escondía ovos de chocolate, vós pasabades un bo intre buscándoos e despois comiámolos entre todos.

Este ano non estamos no cole, é verdade, pero todas estas actividades podémolas facer en casa. Que vos parece se empezamos decorando coelliños de pascua e despois colocámolos no noso mural de primavera? Teremos que colorealos, recortalos e despois pegalos no mural. Como faremos os que máis nos gusten, podemos ir numerándoos segundo vaiámolos terminando e así repasamos os números que fixemos a semana pasada coas flores. 

Aquí preséntovos algunhas fichas, elixir as que máis vos gusten:

Darío e os demais que queiran podedes poñerlle nome e escribilo sobre cada coelliño e así o mural estará máis personalizado. Darío, ti xa tes experiencia coa familia gatuna.

E falando de flores, que tal quedou o móbil da semana pasada? A mamá de Darío mandoume unha foto coa súa obra de arte terminada, quedou precioso, vou pedirlle permiso aos seus papás para poder subila ao blogue para que vexades o ben que quedou e o guapo que está Darío.

                                   

Tamén moitos sabedes que a semana que vén en moitas cidades celébrase a Semana Santa. Saían unhas carrozas moi especiais cunhas figuras e moitas flores, acompañadas dos papones que son uns personaxes que van vestidos con túnicas longas pero o que máis destaca son os gorros en forma de cornete que lles cobre a cabeza e a cara. Estes desfiles forman parte das nosas tradicións nestas datas e témolas que coñecer. Moi preto de Lubre e Sada hai unha cidade, Ferrol, que ten unha Semana Santa moi bonita e aínda que este ano non poderán desfilar, podemos ver fotos doutros anos.

E para terminar, ides ver un conto que en realidade é unha fábula, como as que estamos a ler no Libro de Lafontaine, ao final ten unha ensinanza para que aprendamos que o importante non é terminar o primeiro, senón facelo ben.

https://www.youtube.com/watch?v=oNQGRPkky1c

Bos días rapaces! Xa chegou o venres e terminou esta semana un pouco rara e nós imos rematar o noso móbil de primavera. Hoxe faremos as nosas dúas últimas flores, poñerémoslles por detrás os seus nomes e os números 9 e 10. Xa temos dez círculos e coñecemos os nomes de dez flores diferentes.

Agora imos facer o móbil para adornar a nosa habitación. Téñennos que axudar os irmáns maiores, os tíos ou os papás. Sóbranos tempo, ao choio! Necesitamos fíos, se son de cores mellor, e unha barriña de madeira ou cartón duro que pintaremos e decoraremos como queiramos, despois anudaremos na metade desta barriña un fío que será o que utilicemos para colgar o noso móbil e, para terminar, iremos colocando na barriña os círculos a diferentes alturas. Aquí póñovos un exemplo de como vos pode quedar:

Xa temos o móbil, vedes que fácil e bonito quedou?

Pero non pensedes que terminamos o traballo por hoxe. Seleccioneivos diferentes fichas con flores que pintaremos ao longo da fin de semana para non aburrirnos en casa. Cada ficha ficha ten o debuxo da flor co seu nome, está en castelán, así que podemos pedir que nos axuden a buscar o seu nome en galego. Darío, ti ademais tes que escribilo na ficha ti só, sábelo facer perfectamente. Ao resto pódenllo poñer na ficha con camiños de puntiños e eles facelo.

Gústanvos as fichas? Elixir as que prefirades. Se algún quere facelas todas, fenomenal, así terá un álbum persoal de flores. E para animar o final da semana, póñovos un vídeo cunha canción das flores que espero que vos guste:

https://www.youtube.com/watch?v=uezJQyC5J7Q

Continuamos coas formas xeométricas

Bos días nenos! As semana está a acabarse e nós tamén estamos a rematar as actividades. Hoxe ampliamos as formas xeométricas para compoñer as flores do noso xardín co trapecio, o pentágono e o hexágono. O trapecio está entre o cadrado e o rectángulo, pero cunha forma un pouco máis rara, parece que os lados laterais inclináronse ou tamén pode ser un triángulo ao que lle cortamos o ángulo superior. O pentágono é unha figura que ten cinco lados, como xa nos di o seu nome ( penta=5). E o hexágono xa o coñecemos pola mesa que temos en clase, á que imos cando queremos concentrarnos para non distraernos e que nos saian as fichas moi ben. Verdade Darío, que dá resultados sentar nela?

Agora imos ver un novo vídeo para que non se vos esqueza todo o que ata o de agora demos das distintas formas xeométricas:

https://www.youtube.com/watch?v=Vz5yQkj3aew

Unha vez que coñecemos estas tres formas novas, podemos facer flores distintas para o noso xardín, e pensei que ademais de colorealas, podedes engadirlle boliñas de papel de diferentes cores que faremos con material que teñamos en casa, así reciclamos, xa veredes que preciosidade, vai terminar sendo unha verdadeira obra de arte e fixémola nós, fenomenal!

Aquí póñovos uns exemplos do fácil que é crear flores con figuras xeométricas:

Hoxe continuamos facendo o móbil de flores, serán dúas novas flores que levasen por detrás do círculo os números 7 e 8. Aos peques que lles axuden os papás. Tamén temos que aprender os nomes destas novas flores. Para reforzar todo o que aprendemos hoxe, temos dúas fichas. En la primera, una vez que realicemos su forma, pondremos dentro el número de lados que tiene cada una. A las que no tienen lado, les pondremos en número 0, que ya lo conocemos (0=nada).

Por certo, que vos pareceu a sorpresa de onte? Verdade que Lis está moi simpática e guapa? Se vos animades, podedes mandarme novos vídeos ou fotos co que estades a facer e, así, veranvos os vosos amiguiños. 

Un bico moi forte e deica mañá!

Seguimos inventando flores con formas xeométricas

Bos días chicos! Como estades? Facedes o que vos propoño cada día? Cansados non podedes estar porque nos levantamos máis tarde e despois tedes todo o día para facer cousas. Lembrar que tedes que axudar en casa e os que teñen mascotas, agora teñen que ocuparse delas. Darío, espero que " Carabollo" continúe así e non nos quede "Cara- baguette" cando acabemos co coronavirus.

Falando do coronavirus, lembrades todo o que temos que facer para gañarlle?: Lavarnos as mans, ao toser cubrirnos a boca coa parte interior do brazo á altura do cóbado, non saír de casa (Lis, cando veña Aarón xa veremos que facemos) e comer san para estar moi fortes; Ao ditoso coronavirus estamos a darlle unha boa malleira, pero aínda non lle derrotamos. Debemos de seguir cumprindo todas as normas para, ao final, gañarlle.

Imos continuar co noso móbil de primavera, debuxaremos outras dúas flores diferentes, as colorearemos, recortaremos, pegaremos en círculos de cartolina e por detrás poñeremos o seu nome e os números 5 e 6. Darío, ti podes facelo só e os demais que os axuden os papás.

Unha vez terminada esta actividade, seguiremos co noso xardín especial de primavera. Aínda que primeiro imos reforzar o que sabemos das formas xeométricas cun vídeo e unhas fichas. Hoxe ampliamos as formas co rombo e o óvalo- elipse. Seguiremos inventando flores con todas as formas xeométricas que xa coñecemos: o cadrado, o círculo, o triángulo, o rectángulo, o rombo e o óvalo- elipse.

https://www.youtube.com/watch?v=h55glEikJ4U

Lis, Elia, Branca e Selene, hoxe tócavos facer esta ficha:

Borja, Jimena e Jaime, esta é a vosa ficha para hoxe:

Darío, ti podes facer esta ficha tamén pero, ademais, escribe debaixo do debuxo o nome de cada obxecto (casa, agasallos, xeado,...). Para ti é moi fácil, non tes problema.

E esta última ficha é especial para ti, Darío, non resoples, que está chupada e o cálculo dáseche moi ben:

Volvendo á actividade do noso xardín especial de primavera, recordade que se un folio quédasenos pequeno porque fixemos moitas flores diferentes, podemos preguntar a Mamá ou a Papá se teñen unha cartolina ou un cartón grande e así podemos ir ampliando cada día o noso xardín, e ao final teremos un bonito mural para a nosa habitación. Que vos parece?

Pois veña, ao choio que sodes uns artistas!

E para finalizar, unha sorpresa, a Mamá de Lis mandounos este vídeo no que Lis é un capitán pirata no seu barco (terraza). Mirar que bonito o ten coas flores:

Flores na primavera

Bos días rapaces! Como foi a procura de flores polo xardín ou a terraza? Atopastes algunha que coñecésedes o nome?Xa sabedes que podemos preguntar aos papás. E os debuxos que tal vos saíron? no cole sempre dicimos que nisto da "Arte" non hai normas, todo o que fagades con ganas é bonito.

Hoxe tócanos debuxar dúas flores diferentes ás de onte. Cando terminemos, picámolas con punzón ou recortamos con tesoira e pegámolas en círculos de cartolina. Pola outra cara poñemos o nome da flor e os números 3 e 4.

Agora imos ver un vídeo para repasar as formas xeométricas que xa coñecemos:

https://www.youtube.com/watch?v=5rT9-HmeNyI

As fichas que temos que facer hoxe serán colorear flores que están formadas por estas figuras: círculo, cadrado, triángulo e rectángulo. Podemos utilizar diferentes técnicas: Pinturas de madeira, de cera, xices, acuarelas, o que prefirades. 

Se tedes moitas ganas de seguir traballando, podedes inventar vós vosas propias flores coas formas que aparecen no vídeo e así conseguiremos facer un xardín moi especial.

Os maiores (Darío, Jimena, Jaime e Borja) poden contar ao final cantas figuras de cada clase utilizaron para realizar o debuxo do xardín.

Chegou a primavera!

Ola nenos! que tal estamos? Empezamos semana e imos seguir traballando un pouco, así estaremos entretidos e pasarémolo ben.

O venres pasado empezou a primavera e case non nos demos conta; Chove, fai un pouco de frío e empezan a saír as flores.

Pois de flores van ir as actividades desta semana. Imos pintar moitas flores, pero non valen que sexan todas iguais. Hai moitas clases de flores diferentes, con formas e cores distintos. En clase vimos fotos de rosas, tulipans, hortensias, margaridas, calas, rododendros, azaleas e moitas máis; Pois como a maioría temos xardín, imos saír e con Mamá ou Papá buscaremos algunha destas flores e despois nós tentaremos debuxalas e colorealas.

Cada día, ao longo desta semana, temos que atopar dúas flores distintas, logo dentro de casa recortaremos dous círculos de cartolina de cores e pegaremos neles as flores que debuxamos e coloreamos, porque ao final desta semana faremos un móbil para colgar na nosa habitación, que xa vos explicarei o venres como o facemos.

Os que vivimos nun piso, como Jimena e Lis, miraremos nos contos que temos as flores que poden aparecer e, como os demais, elixiremos cada día as dúas que máis nos gusten e faremos o que dixen antes.

Cando teñamos preparados os diferentes círculos cos debuxos pegados por unha cara, na outra cara os nosos papás ou irmáns maiores teñen que poñer o nome da flor con puntiños e hoxe o número 1 e 2 en grande, mañá o serán o 3 e o 4 e así sucesivamente o resto de días da semana. Darío, isto non vai para ti, que ti xa sabes facer isto soiño e non necesitas que che axude ninguén.

Todos os días imos facer tamén algunha ficha relacionada coa primavera, hoxe empezamos con esta:

Un bico moi forte e despídome con esta canción da primavera:

https://www.youtube.com/watch?v=eFZsUKt_3g8

Ata mañá! ☺

Imos alegrar este día!

Ola peques! Que tal o Día de Papá? Gustoulle o que lle fixestes de agasallo? Seguro que si. 

Hoxe é un día un pouco tristón, está nubrado e chove un pouco. Pois nós imos arranxalo. Acordádesvos do que explicamos en clase sobre a auga e que podiamos facer maxia con ela: se a quentamos faciamos nubes, se a arrefriamos faciamos xeo e se saía o sol e estaba a chover, ao pasar un raio de sol a través das pingas de auga, aparecía o arco da vella. 

Pois nós imos pintar un arco da vella. Temos dúas fichas, podedes elixir unha ou tamén facer as dúas. Podémolas facer con pintura de dedo, con pinturas de cera ou con acuarelas, se nos axudan un pouco. Lembrar que as sete cores do arco da vella son: vermello, laranxa, amarelo, verde, azul celeste, azul escuro ou añil e violeta ou morado. É importante que estean pintados por esta orde!

Cando terminemos o noso precioso arco da vella, podémolo colocar nunha xanela e así, ademais de velo nós, poderano ver os veciños para estar todos alegres.

Para acabar as tarefas do día, póñovos un vídeo para que aprendades as cores e como podemos facer as fichas:

https://www.youtube.com/watch?v=G4voKkXmILs

Chega o día de Papá

Que tal ruliños? Como estamos na casa? Hoxe ímonos a esquecer do ditoso coronavirus e centrarémonos en Papá. Mañá xoves é o seu día e temos que facerlle un agasallo, pódenos axudar Mamá, pero ten que ser un secreto ata mañá. Como non podemos facer o que tiñamos pensado no cole (aunque o imos facer máis adiante), faremos unhas fichas e unhas manualidades tamén. Lembrar que temos que esforzarnos moito para que nos quede ben e se non sae á primeira, non pasa nada, repetimos e volvémolo a tentar.

Podemos facer a ficha que máis nos guste, pero se queredes facer as dúas, tampouco pasa nada. Quen teña rotuladores de brilli brilli, pódeos utilizar todo o que queira, a ficha tennos que quedar preciosa! Lembrar que hai que gardalas para levalas ao cole e velas entre todos. Xa veredes o ben que o imos a pasar!

Cando fagamos esta ficha, ademais de colorear, hai que debuxar a cara de Papá no oco que queda abaixo á esquerda. Cando Papá non se dea conta, mirádeslle moi ben á cara e, despois, debuxádelo onde vos dixen. Ten que parecer case a foto de Papá.

Agora toca as manualidades; Isto é o que imos regalar a Papá: decorar, colorear e recortar estas gravatas como queirades. Podedes utilizar gomets, facer debuxos, colorear con brilli brili... O que a vós gústevos máis e elixades para que queden moi bonitas. Pero o traballo non termina aquí, cando a gravata estea terminada, pedimos un folio a Mamá e volvemos pintar a cara de Papá en grande. Que non lle falte nada: os ollos, o pelo, o nariz, as orellas, a boca e, moi importante, o pescozo, onde lle colocaremos a gravata ao debuxo de Papá. Veña artistas, xa estamos a empezar a traballar que vos vai a quedar xenial e veredes que sorpresón leva mañá Papá!

E para terminar, poñédeslle este vídeo e se vos aprendedes algunha estrofa poderedes cantar vós tamén e seguro que a Papá vaille encantar!

https://www.youtube.com/watch?v=rYpICIr-7HA

Por hoxe xa temos moito que facer. Un bico moi grande e lembrar que ata o luns temos vacacións pola ponte do Día do Pai, así que aproveitar para darlle moitos bicos e xogar co mellor Papá do mundo mundial!