Necesitamos que o aire estea limpo

Ola cieletes! Vaia día que temos hoxe! Estamos case no verán, vai frío e ademais chove. Pero se queremos un verán florido, fai falta que chova e esta primavera tivémola chuviosa. Pois nada, animarse, que imos ter un verán estupendo.

Que vos pareceu o cumpre pirata de Borja? Verdade que foi moi divertido e que todos lle desexastes que o pasase moi ben? Non vos quero adiantar acontecementos, pero mañá hai outra amiga do cole que está de cumpre... A ver se adiviñades quen é, o luns resolvemos a incógnita...

E como hoxe non podemos bañarnos nin xogar no xardín, e ademais temos toda a fin de semana, podemos repasar os blogues e poñer ao día algunha ficha ou actividade que teñamos atrasada, e falando de manualidades, póñovos as fotos que mandou a mamá de Lis para que vexades a preciosidade de acuario que lles está quedando, hai de todo, ata unha ostra con perla incluída. Con esta actividade tedes choio para longo, porque podedes ir incorporando todo o que se vos ocorra, ata un barco pirata afundido, nos océanos e mares debe de haber "mogollón", son ideas que vos dou, o fondo do mar dá para moito.

Esta semana falamos moito do Medio Ambiente, de manter limpos os nosos mares e océanos, de manter limpa a Terra coas súas montañas, bosques, ríos e lagos; Pero non falamos da atmosfera, a envoltura de aire que rodea a Terra...

Grazas á atmosfera podemos vivir no planeta Terra, sen ela non existiría ningunha clase de vida. A atmosfera é a que permite respirar aos homes, animais e plantas, pero tamén cumpre outra función moi importante, é como un escudo que protexe á Terra de moitas clases de "ataques" ou perigos que sofre, empezando por certas radiacións que emite o sol, ata de toda clase de obxectos ou elementos que están a circular polo universo, como cantidade de meteoritos ou outros materiais espaciais, aínda que se fosen moi grandes serían un gran perigo e senón acordarvos dos pobres dinosauros...

Xa vistes o importante que é a atmosfera e os fenómenos que nela prodúcense. Se contaminamos a atmosfera cos fumes dos coches, as fábricas, as calefaccións, os incendios... A vida na Terra cambiará; Cambiará o clima e todos os seres vivos que vivimos nela sufriremos as consecuencias. En resumo, temos que coidar o Medio Ambiente: a terra, os mares e o aire, a nosa vida depende diso e nós estes días aprendemos que podemos facer moitas cousas para que isto non ocorra.

Como hoxe non fai para xogar fóra, imos traballar un pouco dentro con fichas de fenómenos atmosféricos...

Para Blanca, Elia, Lis e Selene:

Para Borja, Jaime e Jimena:

Para Darío:

E terminamos con Peppa Pig e as tormentas:

Como todos os venres, tócanos clase de Audición e Linguaxe, visitar o blogue da profe Dolores que seguro que vos ten preparadas actividades moi chulas:

Un bico bolboreta e ata mañá!

Hoxe estamos de cumple pirata!

Ola grumetes! Como estamos hoxe? Temos que atoparnos en forma porque hoxe imos ter moita marcha; E por que digo isto? Porque hoxe tamén é un día moi importante, hoxe celebramos un cumple, é o aniversario de Borja!

Moitas felicidades Borja! De parte de todos os teus compañeiros e profes do CRA de Bergondo, en especial da túa profe Ana, moitos bicos bolboreta e abrazos de oso amoroso!

Xa es un neno un pouco máis maior, cumpres 5 anos, todos os dediños dunha man!

Seguro que os papás, avós e irmanciñas felicitáronche e déronche moitos bicos e 5 tiróns de orellas, nós tamén o facemos e cando nos volvamos a ver, despois do verán, lembrarémoscho.

E por que puxen tantos debuxos e vídeos de piratas? Acordádesvos do día que no cole falamos de que queriamos ser cando fósemos maiores e Borja dixo que el quería ser pirata? Pois hoxe imos celebrar o cumple pirata de Borja!

E a mellor maneira de celebrar este día de cumple é con estas fichas piratas...

Para Blanca, Elia, Lis e Selene:

Para Borja, Jaime e Jimena:

Para Darío:

E esta ficha tan especial é para o que cumpre anos, Borja, cando a termines de colorear, pégala sobre un cartón ou cartolina e así terás un bonito recordo deste día para a túa habitación:

E imos terminar como empezamos, con moita marcha para celebrar este día tan especial!

Como todos os xoves, toca clase co profe Ricardo, visitar o seu blogue que seguro que vos propón actividades moi divertidas:

Un bico bolboreta e ata mañá!

Andemos e circulemos seguros pola cidade.

Ola peques! Hoxe é un día moi importante para todos, tamén para vós, é o "Día Mundial da Seguridade Viaria".

Neste día hai unha palabra moi importante: RESPONSABILIDADE. Esta palabra dicímola moitas veces en clase. Temos que ser responsables do noso traballo, do noso comportamento, dos nosos xogos... E neste día, e en todos, temos que ser responsables do noso comportamento na rúa, nos medios de transporte público, cando paseamos por Lubre e as súas corredoiras...

Pero para facer todo isto, fainos falta coñecer a maioría de sinais de tráfico que nos atopamos na cidade e no campo; Coñecemos moitas, pero non está mal que as volvamos a lembrar.

E hoxe as fichas que nos tocan, teñen que ser do tema...

Para Blanca, Elia, Lis e Selene:

Para Borja, Jaime e Jimena:

Para Darío:

Mirade o ben que aprendeu Loli as normas e sinais de circulación que se atreveu a ser ela a policía de tráfico:

E que sorpresa podémonos levar se cumprimos ben as normas de circulación como lle pasou a Lupita neste vídeo:

e como todos os mércores, non vos esquezades pasarvos polos blogues da Dolores

e da profe Cova

Un bico bolboreta e ata mañá!

Seguimos coñecendo os océanos

Ola ruliños! Que tal onte co noso percorrido polos océanos do mundo? Verdade que é moi divertido viaxar e aprender cousas que non sabiamos? Ademais, xa estamos concienciados que temos que coidalos porque a nosa vida na Terra tamén depende de que os mares estean limpos e sans; Tanto os animais como as plantas que os habitan proporciónannos recursos e alimentos que necesitamos para vivir.

Nós en Galicia, en especial os que vivimos na costa, temos moito contacto coas augas do Mar Cantábrico e do Océano Atlántico.

Paseamos e bañámonos nas súas praias, coñecemos moitos seres vivos que viven nas súas augas, algúns lles atopamos cando xogamos na area, cando nos escondemos entre as rocas e, ata nalgunha ocasión, collemos algún e metémolo nos nosos cubos da praia; Todo isto poderémolo seguir facendo se coidamos de que as nosas praias e mares sigan estando limpos.

Os mares e os océanos tamén nos permiten que nos comuniquemos uns países con outros por medio da navegación marítima e facémolo pola súa superficie con toda clase de barcos: transatlánticos, barcos de carga, pesqueiros, portaavións, petroleiros, iates...

Todos debemos de ser respectuosos co medio ambiente dos mares e océanos, lembrade que estes ocupan as tres cuartas partes do planeta.

Pero tamén podemos movernos polo interior dos mares e océanos, e facémolo cun medio de transporte especial, o submarino. Que emocionante sería unha viaxe polo fondo do mar, non vos parece? O inventor deste medio de transporte marítimo tan especial foi un español que se chamaba Isaac Peral.

E hoxe imos traballar no "fondo do mar"...

Para Lis, Elia, Blanca e Selene:

Para Borja, Jaime e Jimena:

Para Darío:

E que tal vai o voso acuario de cartón? Durante estes días puidestes reunir moitos modelos de seres vivos para que habiten no voso acuario: peces, medusas, estrelas de mar, polbos, luras, algas... Podedes estar moi entretidos mentres o facedes, pero despois non vai custar nada coidalo e mantelo.

Podedes enviar fotos para ver que tal están a quedar.

Sobre o mar e os océanos escribíronse moitas novelas, contos e lendas, unha das máis bonitas ten lugar na costa de Lugo e é "A Maruxaina".

E como todos os martes, toca clase de Educación Física, así que non vos esquezades de visitar o blogue do profe Ricardo:

Un bico bolboreta e ata mañá!

Coidemos o mar e a praia

Ola chiquis! Empezamos semana e ímolo a facer "viento en popa a toda vela" porque hoxe é o "Día Mundial dos Océanos".

O venres estivemos a falar moito do Medio Ambiente e o importante que era conservalo limpo e san para que a vida na Terra fose estupenda para todos os seres vivos que habitamos nela. E os Océanos son unha parte moi importante do Medio Ambiente; Xa coñecemos os continentes da Terra e hoxe imos coñecer os Océanos. Os Océanos son mares moi grandes e nós temos un moi preto, moitas das praias de Galicia onde nos bañamos no verán son o Océano Atlántico. A Terra ten 5 grandes Océanos: O Atlántico, o Pacífico, o Índico, o Ártico e o Atlántico. O máis grande de todos é o Océano Pacífico.

Hai unha característica moi importante da auga dos mares e os océanos, é auga salgada; Seguro que xa o sabedes todos porque cando vos bañades nas praias de Sada ou Gandarío, nalgún momento tragastes un pouco de auga, verdade? Estaba malísima e non se podía beber; Por tanto, a maior parte da auga da Terra non vale para beber nin tampouco para regar as plantas, por iso é tan importante coidar a auga das nosas fontes, ríos e lagos, a esta chamámola auga doce e con ela regamos as nosas plantas que despois comemos e bebemos nós e os animais, se non coidamos e aproveitamos moi ben esta pequena cantidade de auga doce ou potable que temos en Terra, non habería vida no noso planeta.

É verdade que a auga dos mares e océanos non a podemos beber nin nós nin os animais e plantas que viven na superficie da Terra; Pero nesta auga salgada hai moita vida, viven moitos animais e plantas que, do mesmo xeito que ocorre cos que habitamos na superficie da Terra, necesitan que o seu Medio Ambiente estea limpo e san; A nosa vida na Terra depende tamén de que a vida nos mares e océanos sexa sa e saudable. Se nós cos nosos malos costumes e comportamentos contaminamos a auga dos mares e océanos, acabaremos coa vida dos seus animais e plantas e isto tamén será malo para nós, todos dependemos de todos. Como xa explicamos en moitas ocasións, nós tamén podemos facer cousas sinxelas pero moi importantes para que isto non suceda, a máis importante: non deixar nin tirar lixo na praia ou no mar. Houbo persoas moi comprometidas co obxectivo de salvar os mares e océanos desta contaminación producida polo home e os seus abusos e dar a coñecer ao mundo o que estaba a pasar; Unha das personalidades máis destacadas e coñecida foi o francés Jacques Cousteau que abordo do seu buque "Calypso" percorreu os mares e océanos de todo o mundo mostrando coas súas fotos e vídeos o que estaba a ocorrer.

Hoxe traballaremos un pouco, que é luns e tivemos toda a fin de semana para descansar.

Para Lis, Elia, Blanca e Selene:

Para Borja, Jimena e Jaime:

Para Darío:

Como nos estamos afeccionando a facer manualidades e hoxe é o "Día dos Océanos", non nos podía faltar un barco para percorrelos que podedes facer cun cartón de leite:

E no noso percorrido, con semellante preciosidade de barco, atoparémonos cunha chea de animais mariños que podedes facer na casa:

E mentres traballamos, podemos escoitar esta canción para empezar moi animados a semana.

E como todos os luns, hoxe tamén nos toca clase de biblioteca, música e inglés, así que non vos esquezades de visitar os blogues

da profe Eva:

da profe María:

da profe Cova: 

Un bico bolboreta e ata maña!