Curso 2013-14. Novembro

Chegou novembro e seguimos tendo un montón de actividades na escola. Unha actividade que nos gusta moito é pintar con acuarelas, no seguinte vídeo podedes ver o ben que o pasamos pintando.

                                 https://www.youtube.com/watch?v=9Jkfa7giLYE



Este mes tivemos a visita de Monkey e Cheeky Monkey e que viñeron a visitarnos e contarnos todas as súas últimas aventuras.

Rematando o mes, o 25 de novembro, celebramos o cumpre de Martina e ese día pasámolo moi ben.

https://www.youtube.com/watch?v=Vu6RbjCYpXo

Curso 2013-14. Outubro

A principios de outubro tivemos varias visitas na escola. A primeira visita foi a do avó de Martina, que nos contou moitas cousas das súas viaxes por Italia co seu camión, así coñecemos moitos sitios e costumes dese marabilloso país.

                                            https://www.youtube.com/watch?v=rQtg5uHHlRo


Eses días tamén tivemos a visita de Alba. Cando era pequena como nós, foi á nosa escola e, como agora xa é maior, veu a pasar un día connosco e foi a nosa profe por un día.

https://www.youtube.com/watch?v=2jBJxbhEA50

Eses días tamén tivemos tempo para as primeiras festas de aniversario, o 7 de outubro celebramos o cumpre de Diego.

https://www.youtube.com/watch?v=hD82NWtNquY

E unha semana despois, o 14 de outubro, celebramos o cumpre de Alicia.

https://www.youtube.com/watch?v=BZ3BYAjO_EQ

Co paso das semanas e a chegada do outono, empezaron os preparativos para o magosto. Tamén aprendemos que o outono ten un montón de froita propia desa tempada, coñecendo os seus nomes, as súas texturas, olores e sabores.

https://www.youtube.com/watch?v=S956dxaUYSA

Ao finalizar outubro a escola encheuse de arañas, fantasmas, esqueletos e morcegos... Todo para celebrar a chegada de Halloween ou, como dicimos aquí en Galicia, o Samaín.

Para celebrar o Samaín fomos de visita ao cole dos maiores, ao Cruz do Sar, onde vimos unha obra de teatro, a exposición de cabazas e comemos castañas asadas do magosto.

https://www.youtube.com/watch?v=n1GwKpUdNwI

Curso 2013-14. Setembro

Xa estamos na recta final do curso. Aínda nos queda moito por facer en maio e xuño. Pero antes imos ver todo o que fixemos durante o primeiro e segundo trimestre.

Empecemos polo principio, o día 11 de setembro, foi o primeiro día de clase, un día de reencontros e de coñecer os novos compañeiros.

                   https://www.youtube.com/watch?v=00PX-Gj08A4

A volta ao cole foi moi divertida, xogando moito no recreo, empezando a traballar e aprendendo un montón facendo fichas e demais actividades.

                     https://www.youtube.com/watch?v=ojjZpYrWP68

Rematando o mes de setembro, Adrián tróuxonos cabaciñas e outros froitos da súa horta para ensinarnos os vexetais que podemos comer nesta época do ano.

                    https://www.youtube.com/watch?v=rOpjtZ3MDpI